Vísindafélag Íslendinga var stofnað 1. desember 1918 sem félagsskapur íslenskra vísindamanna á öllum sviðum vísinda með það markmið að efla vísindastarfsemi í landinu og styrkja stöðu vísinda í íslenskri menningu. Félagið hefur starfað undir þeim formerkjum allar götur síðan, óháð stofnunum og þvert á fræðigreinar.

Á aldarafmælinu árið 2018 stendur félagið m.a. fyrir röð málþinga um vísindi og samfélagslegar áskoranir og hefur einnig efnt til samstarfs við Vísindavefinn um dagatal íslenskra vísindamanna.